Наспроти мојата животна филозофија

Науката упорно игнорира одредени неодговорени прашања, како што се оние за животот по смртта или за натприродните феномени. Токму затоа што ги игнорира, тие упорно опстојуваат. Секој човек во својот живот доживува работи што го надминуваат „познатото“ и „разумното“ гледање на нештата. Соочена со аномалиите во светот и со многу необични лични доживувања, Патриша Марш-Стефановска раскажува за феномените на духови, претчувства, телепатија на болка, пророчки соништа, полтергајст, зачеток, јасновидост, хиромантија, зачудувачка коинциденција и, најстрашното од сѐ, истовремено присуство на две места. Иако искрено признава дека сето тоа е спротивно на нејзината животна филозофија, таа храбро се обидува да даде објаснување за феномените пред кои остануваме без одговори. „Наспроти мојата животна филозофија – вистински искуства за натприродното и потрага по објаснувања“ нуди поглед во нешто многу поголемо и подлабоко од нашата секојдневна реалност и широко ја отвора вратата кон тој свет. Книга што бара надминување на предрасудите и тесноградото размислување надвор од границите на видливото, книга што ги шири хоризонтите и нè потсетува дека светот е многу повеќе од она што го гледаме.