Трчам за тебе

Убаво би било оваа книга да ја прочитаат сите коишто трчаат - по спротските патеки и во животот Во 2008 година Кокан Ајновски за првпат го истрча полумаратонот во Скопје. По точно 16 години, тој е еден од најпознатите домашни маратонци кој секојдневно ги инспирира луѓето кон промени. На што може да не научи трчањето? Секој чекор кон целта е исполнување на формулата за среќен живот. Една од најчестите метафори што ги слушаме за животот е токму таа - дека животот е трка во која се натпреваруваме со себеси, Кокан веќе победи во многу трки - во својата животна приказна и во онаа на обележаните патеки. Тој не учи колку е значајно да не се откажуваме. Дури и кога температурите се ниски или високи, дури и кога се чини дека се оди наопаку, дури и кога светот ни се урива над глава. Ако го одржуваш темпото, секогаш ќе бидеш поблизу до целта. Сите ние можеме да го направиме тоа. Сите можеме вистински да трчаме кон подобро и порадосно утре!