Мила моја, животот е чудо! Непрекинато не изненадува и не става пред разни искушенија. Прифати го сето она што не можеш да го промениш и промени го тоа што можеш. Јас решив така да направам... На прв поглед Катарна Сафран е олицетворение на успехот. Нејзиното име е синоним за вештина, стручност и неуморна посветеност на медицинската професија и на кардиохирургијата. Нејзиниот ум е беспрекорен, а рацете и се сигурни во операционата сала. Мажена е за успешен француски бизнисмен. Живее живот од соништата во луксузен апартман во центарот на Чикаго. Меѓутоа, ноќниот лет на релацијата Чикаго-Белград засекогаш ќе промени се. Таа судбоносна ноќ ќе ги разниша темелите на постоењето на Катарина и ќе ја наведе да го преиспита целиот дотогашен живот. Во тој клучен момент ќе сфати дека, стремејќи се кон подобро, запоставила некои од најважните работи во животот. Вклучувајќи ја и сопствената среќа. Во своето родно село Накучани, во подножјето на планината Цер, ќе се обиде повторно да ја пронајде среќата. Новиот роман на Јелена Бачиќ Алимпиќ „Последните часови“ ни ја открива трогателната, на моменти болна вистина дека можеби најважните моменти во нашиот живот се оние што не принудуваат да се соочиме со своите демони, желби и предизвици. Оваа приказна за храброст и потрага по вистинската смисла на животот ќе ви остане врежана во сеќавањетп како инспирација никогаш да не се откажете од потрагата по суштината во времето што ви е дадено.
Напишете мислење/рецензија